Inspektorati Qendror ka marrë sot mbështetjen e plotë të Suedisë për të çuar përpara reformat themelore që ka ndërmarrë ky institucion në luftën kundër korrupsionit në inspektime.
Inspektori i Përgjithshëm, Shkëlqim Hajdari pati sot një takim me këshilltaren, Shefen e Bashkëpunimit për Zhvillim pranë Ambasadës Suedeze, Birgitta Jansson.
Zyrtarja suedeze bëri një prezantim mbi Strategjinë e Shtetit Suedez për bashkëpunimin dhe mbështetjen e Reformave me vendet e Ballkanit Perëndimor, përfshire dhe Shqipërinë, si dhe fushat konkrete të bashkëpunimit.
Inspektori Përgjithshëm ri-theksoi një nga objektivat kryesore të Inspektoratit Qendror, ai i shmangies së korrupsionit, klientelizmit dhe praktikat abuzive ndaj biznesit, gjë e cila arrihet vetëm nëpërmjet realizimit të inspektimeve online, nëpërmjet sistemit unik të inspektimeve online. Kryeinspektori shpjegoi me detaje etapat nëpër të cilën do të kalojë kjo reformë.
Pjesëmarrës në këtë takim ishin edhe Detlef Kreutzer, Drejtori Ekzekutiv i Projektit “Mbështetje për formulimin, koordinimin dhe implementimin e politikave kundër korrupsionit” dhe Lena Andersson, eksperte në politikat kundër korrupsionit.
Njoftimi i plotë nga Inspektorati Qendror
Sot, më datë 22 Maj 2018, pranë ambienteve të Inspektorati Qendror, Inspektori i Përgjithshëm, Z. Shkëlqim Hajdari dhe stafi i tij zhvilloi nje takim me Këshilltaren, Shefen e Bashkëpunimit për Zhvillim pranë Ambasadës Suedeze, Znj. Birgitta Jansson. Biseda u përqendrua në krijimin e urave të bashkëpunimit për forcimin dhe mbështetjen e institucioneve demokratike në luftën institucionale dhe ligjore kundër korrupsionit. Pjesëmarrës në këtë takim ishin edhe Z. Detlef Kreutzer, Drejtori Ekzekutiv i Projektit “Mbështetje për formulimin, koordinimin dhe implementimin e politikave kundër korrupsionit” dhe Znj. Lena Andersson, eksperte në politikat kundër korrupsionit.
Fillimisht fjalën e mori Znj. Jansson, e cila bëri një prezantim mbi Strategjinë e Shtetit Suedez për bashkëpunimin dhe mbështetjen e Reformave me vendet e Ballkanit Perëndimor, perfshire dhe Shqipërinë, si dhe fushat konkrete të bashkëpunimit. Një fokus i veçantë po i kushtohet institucioneve të cilat kanë nevojë për mbështetje në luftën kundër korrupsionit, siç është dhe Inspektorati Qendror, organ koordinues, udhëheqës dhe kontrollues i trupave të inspektoreve të Inspektorateve Shtetërore dhe Vendore.
Shkëlqim HAJDARI, në fjalën e tij, njohu shkurtimisht të pranishmit e Ambasadës Suedeze me historikun, sfidat e deritanishme, si dhe arritjet e Inspektoratit Qendror, kohë pas kohe, duke formalizuar inspektimet me dokumente standarde, listë verifikimi, të pajisur me kartën e inspektorit, online dhe kryerjen e inspektimeve me analizë me bazë risku, duke e kthyer tashmë në një proces të rregullt administrativo ligjor.
Inspektori Përgjithshëm ri-theksoi një nga objektivat kryesore të Inspektoratit Qendror, ai i shmangies së korrupsionit, klientelizmit dhe praktikat abuzive ndaj biznesit, gjë e cila arrihet vetëm nëpërmjet realizimit të inspektimeve online, nëpërmjet sistemit unik të inspektimeve online. Inspektori i Përgjithshëm shpjegoi me detaje etapat nëpër të cilën do të kalojë kjo reformë si dhe ju përgjigj të gjitha pyetjeve të bëra nga përfaqësuesja e Ambasadës Suedese.
Ky takim shërbeu për vendosjen e një fryme bashkëpunimi të koordinuar në luftën kundër korrupsionit në fushën e Inspektimeve, në Republikën e Shqipërisë.
