Mesa duket marrëdhënia ndërmjet Kryeministri Rama dhe kryeministri në detyrë të Kosovës Ramush Haradinaj tashmë ka hyrë në një “dimër” të madh. Të dy përgjatë muajve të fundit kanë intensfikuar gjuhën e ashpër karshi njëri-tjetrit.
Në daljen e fundit televizive kryeministri Rama ka thënë se do ta akuzonte për shpifje Haradinaj, për akuzën e këtij të fundit që Rama-Vuçiç do të përfitonin 10 miliardë euro nga ndarja e Kosovës.
“Edi Ramën e kam vëlla. I kam vëllezër e motra të gjithë shqiptarët. Por unë jam kundër ndarjes”, tregon Haradinaj.
“Ky ka marrë pjesë në projektin e ndarjes. Ajo ndarja ka pasë me bë dëme në shtetësinë tonë. Pasi që të hapet Kosova e 17 shkurtit nuk ka më kthim pas”, tha Haradinaj në Pressing të T7.
“Mbi 10 miliardë euro dëme do i bëheshin Kosovës në rezerva dhe minerale të Trepçës. Gjithsesi ai për momentin është në pushtet, por nuk e ka të sigurt që do të qëndrojë, dhe mund ta humb atë. Shihemi në gjyq”.
Haradinaj ka treguar dhe mënyrën sesi do t’i përfitonin aktorët këto para.
“Nëse dikush ka premtuar me dhënë Trepçën, atëherë ka pasur përfitime nga Serbia”, tregoi kryeministri në detyrë.
