Shqiptari Përparim Kolici ka 5 vjet që qëndron në Francë, por problemi është se ai tashmë dëshiron të punojë “lirisht”.
Përparimi u godit mëngjesin e së premtes, më 13 prill në Veynes nga një makinë, ndërsa kishte hipur në një biçikletë. Ai pësoi disa lëndime të lehta, por fatmirësisht është mirë, raporton ledauphine.com.
Por Përparim Kolici nuk e denoncoi shoferin e mjetet që e përplasi dhe tashmë ai mban një qafore në qafë. E vetmja gjë për të cilën ai dëshiron të fjalë është lufta e tij.
Ai ka të drejtën për të punuar ligjërisht në territorin francez. Ai ka plot 5 vite që qëndron në Francë.
“Më pëlqen kultura këtu, këtu mësova gjuhën”, thotë 33-vjeçari, i cili është pothuajse dygjuhësor.
Ai punon si bari, dhe ka hyrë ilegalisht në Francë, por shoqatat Gapençaises e ka mbrojtur atë dhe pse aplikomi për azil që nga viti 2014 i është refuzuar vazhdimisht.
Nën ndikimin e OQTF (detyrimi për të lënë territorin), ai u deportua në qendrën e paraburgimit të Nicës në prill 2016, para se gjyqtari i lirive dhe të paraburgimit vendosi ta lironte. Pot 180 persona u mblodhën para Prefekturës në Gap për ta mbështetur atë.
Që nga ai moment Përparimi u është mirënjohës të gjithëve që nuk e lanë të linte Francën.
Megjithë statusin e tij të pasigurt, njeriu luftoi për të marrë punë. Ai ka punuar si bari dhe kamerier në zona të ndryshme.
“Unë dua të jetoj me mjetet e mia, nuk dua të shkoj në Restos du cœur”, thotë shqiptari.
Ai paraqiti një kërkesë për leje qëndrimi te shërbimet shtetërore pak më shumë se një muaj më parë. Një letër do ta lejojë atë, të punojë “lirisht” në Francë.
Sot, ai po pret një përgjigje. “Nuk fshihem, nuk bëj asgjë të gabuar. Kam të drejtën time”, thotë bariu. Por ai nuk dëshiron të jetojë më kështu. “Është shumë e rëndë. Kur nuk kemi asnjë letër, ne jemi të frikësuar kudo, gjatë gjithë kohës. ” Ai thjesht dëshiron të punojë “lirisht”. TIRANA TODAY
