E diel, 17 Tetor, 2021
12.5 C
Tirana

Luftë mes bandave në burgjet e Ekuadorit/116 të vdekur dhe 80 të plagosur

Të paktën 116 persona kanë vdekur, në një luftë mes bandave rivale në burgun e Ekuadorit. Zyrtarët raportojnë se pesë të burgosurve u kanë prerë kokën, në përleshjet e së martës në qytetin Guayaquil, ndërsa të tjerët u qëlluan për vdekje. Penitenciare Litoral strehon të burgosur nga bandat ekuadoriane, që mendohet se kanë lidhje me kartelet meksikane të drogës.

Konsiderohet si një nga burgjet më të rrezikshme në vend. Komandanti i policisë Fausto Buenaño thotë se të burgosurit hodhën edhe granata. 400 policë ndërhynë për të rimarrë kontrollin.

Mediat lokale raportojnë se kryengritja u urdhërua nga banda të fuqishme meksikane të trafikut të drogës, që tani po veprojnë në Ekuador.

Drejtori i shërbimit të burgjeve të Ekuadorit, Bolivar Garzón, i tha radios lokale se situata ishte “e tmerrshme”.

“Dje, policia mori kontrollin në orën 14:00 [me kohën lokale], por mbrëmë pati të shtëna të tjera, shpërthime dhe sot në mëngjes morëm kontrollin total. Ne po hyjmë në pavionet ku kishte konflikte dhe po zbulonim më shumë trupa”, tha ai.

Komandanti i policisë Fausto Buenaño tha se të burgosurit nga një krah i burgut ishin zvarritur nëpër një vrimë, për të dalë në një krah tjetër, ku ata sulmuan anëtarët e bandës rivale.

Më shumë se 80 të burgosur u plagosën. Presidenti Guillermo Lasso ka shpallur gjendjen e jashtëzakonshme në sistemin e burgjeve.

IEVP Litoral mban të burgosur nga Los Choneros, një bandë ekuadoriane e cila mendohet të ketë lidhje me kartelin e fuqishëm të drogës Sinaloa të Meksikës.

Por një grup tjetër kriminal meksikan, karteli Jalisco New Generation (CJNG), po përpiqet gjithashtu të krijojë aleanca me bandat ekuadoriane, për të marrë kontrollin e rrugëve të kontrabandimit të drogës që çojnë nga Ekuadori në Amerikën Qendrore nga rivalët e tij Sinaloa.

Në korrik, Presidenti Lasso tha se sistemi i burgjeve në Ekuador ishte 30% mbi kapacitetin.

Ai njoftoi planet për të përshpejtuar procesin e lirimit të atyre të burgosurve që kishin shërbyer pjesën më të madhe të kohës, ose kishin kryer krime të vogla, për të lehtësuar mbipopullimin.

Burimi i lajmit: BBC. Përshtatur nga Tirana Today

- Reklama -

Më shumë nga kategoria




Të fundit

Mbështetësve të Lulzim Bashës tani po u del “droga”

Nga: Alfred Peza Lehtësia e papërballueshme me të cilën Lulzim Basha u artikuloi vendimin për largimin e Sali Berishës nga Grupi Parlamentar i PD, pas...

Itali/Vodhi brioshët, të nesërmen i paguan. Pronari i lokalit i ofron një punë

Ai vjedh brioshët në lokal, pastaj të nesërmen kërkon falje dhe paguan. Një histori dëshpërimi, por edhe mbi të gjitha dinjiteti dhe solidariteti që...

Kolumbia sterilizon hipopotamët e “Mbretit të kokainës”

Një grup hipopotamësh - një trashëgimi e padëshiruar pas vdekjes së mbretit famëkeq të drogës kolumbiane Pablo Escobar - po sterilizohen. Escobar, i cili u...

Rusia në gjendje emergjence nga infektimet, një mijë të vdekur në një ditë

Rusia të shtunën regjistroi 1.000 vdekje në një ditë të vetme për herë të parë, që kur filloi pandemia. 222.000 vdekjeve nga Covid është...

Misioni Lucy i NASA-s do të kërkojë ‘fosilet’ e Sistemit Diellor

Një anije kozmike është nisur nga Kepi Canaveral me një mision për të zbuluar "fosilet" e Sistemit Diellor. Sonda Lucy do të shkojë në...