Analisti, Fatos Lubonja tha sot së “Rilindja” vetëm për të ardhur në pushtet i hapi portat ndaj krimit si kurrë më parë. Në analizën e situatës politike në vend Lubonja thotë se forcimi i lidhjes së krimit me pushtetin bëri që të vihet në krye të Ministrisë së Brendshme një bandit i lidhur ngushtë me një bandë të rrezikshme trafikimi droge si Tahiri që ka vënë, pastaj, krejt strukturat e policinë në shërbim të trafikimit.
Lubonja shton se nuk është Tahiri i vetmi nga kriminelët që është futur në politikë dhe ka marrë poste të rëndësime në administratën shtetërore. Këtu ai ka parasysh edhe futjen e një numri kriminelësh në Parlament, si dhe në krye të disa bashkive të vendit, bëhet e qartë se kjo është një strategji kapjeje dhe mbajtjeje pushteti e menduar me gjakftohtësi kriminale.
Në shkrimin e sotëm analisti thotë se i duket e tepërt të flas për pasojat dhe dëmet e pariparueshme që na ka sjellë ky sistem pushteti. Njerëzit që duan të ikin nga ky vend me çdo mjet dhe kriminelët që vrasin njëri-tjetrin përditë nëpër rrugët e Shqipërisë janë shfaqjet më ekstreme dhe më të dukshme. Mes këtyre ekstremeve qëndron një masë e madhe njerëzish gjithnjë e më e dorëzuar, depersonalizuar e më bashkëpunëtore me këtë mafie në pushtet, që të kujton nënshtrimin ndaj regjimit të kaluar.
