Analisti Fatos Lubonja mbrëmjen e sotme në emisionin “Real Story” në “News24” ka folur për Paketën Anti-Shpifje.
Ai theksoi se ligji për median duhej të rregullohej nëpërmjet vetërregullimit, duke ngritur mekanizma vetërregullues kurse mazhoranca krijoi Paketën- Antishpifje për një vetërregullim sipas saj, jo siç duhet.
“Problemi është si e rregullon. Këtu është problem tek ju. Ju kanë thënë që parim është vetërregullimi. Kur ndërtohen mekanizma kur media vetërregullohet. Ju nuk i shkuat kësaj, por i thatë vetërregullim nga pushteti nëpërmjet AMA-s. Duke parë ato gjobat e larta që ja u ulën. Për mua del qartë që nuk është për të mbushur një hapësirë të ligjit, por si të kapim mediat”, tha Lubonja.
