Ky vend ka shërbyer si qendra e policisë sekrete ruse, që nga koha e Katerinës së Madhe. Pas Revolucionit të vitit 1917, bolshevikët e shndërruan në një burg të madh. Miliona njerëz u morën në pyetje, dhe u torturuan në qelitë e Lubjankës.
Më pas ata vriteshin ose dërgoheshin në kampet e punës në Siberinë e largët. Gjatë viteve 1923-1953, vlerësohet se përmes këtyre metodave u eliminuan gati 4.2 milionë njerëz nga KGB. Për ta mbajtur nën terror popullatën, arrestimet kryheshin zakonisht natën, ndërsa ata që e shihnin se po çoheshin në Lubjanka, humbnin çdo lloj shprese për të mbijetuar.
Spastrimet nuk kursyen as shkrimtarët dhe shkencëtarët më të njohur. Një vit pas rënies së Bashkimit Sovjetik, oficeri i KGB-së Vasili Mitrokin dezertoi dhe u dorëzoi britanikëve më shumë se 20.000 faqe me informacione sekrete, që tregonin në detaje terrorin e shërbimit sekret komunist. Lubjanka funksionon ende sot, si selia e shërbimit sekret rus, FSB.
