Dje u përfol në mediat rozë se Luana Vjollca do të prezantonte “Big Brother”. Shumë u aludua në këtë drejtim, por duket se zërat nuk janë të vërteta. Prej çastit kur Luana deklaroi se do rikthehet shumë shpejt me një emision të ri, u përfol se moderatorja do të prezantojë “Big Brother 10”.
Sezoni i tretë i “Shiko kush luan” përfundoi të shtunën, por Luana nuk do të qëndrojë për shumë gjatë larg televizionit. Siç u shpreh edhe vetë gjatë programit, për një ose dy muaj, ajo do të rikthehet me një emision të ri në Top Channel.
Burime në Top Channel kanë thënë për “Anabel.al” se Luana do të rikthehet me një program ku në qendër do të jenë çiftet. Programi do të ndërtohet në bazë të lojrave dhe çifteve shqiptare, të cilët janë të panjohur për publikun.
