Nënkryetari i Lëvizjes Sicialiste për Integrim, Luan Rama ka publikuar rezultatet e para paraprake sipas vëzhguesve të kësaj force politike në qendrat e votimit për qytetin e Tiranës. Rama tha se në Tiranë kanë votuar mbi 100 qytetarë për LSI-në, gjithashtu ai tha se Rilindja shkon në opozitë dhe Shqipëria ka votuar për qytetarinë kundër bandave.
“Në qytetin e Tiranës në 11 njësitë administrative, numri i qytetarëve që kanë votuar për LSI-në i kalojnë mbi 100 mijë votues. Ndërsa në qarkun e Tiranës numri i atyre që kanë votuar për ne pesë herë më i lartë sesa zgjedhjet e vitit 2013. Në 7 prej njësice administrative të qytetit të Tiranës, LSI-ja rezulton që të jetë forcë e parë. Përgënjeshtroj çdo përpjekje që bëhet për të manipuluar opinionin publik me sondazhe apo exit poll të parafabrikuara të paguara me qëllim për të mbajtur me frymë atë që nuk ka më asnjë shpresë për të dalë forcë e parë. Rilindja shkon në opozitë, Shqipëria ka votuar për qytetarinë, kundër bandave, kanabisit, trafikut, krimit abuzimit, arrogancës dhe abuzimit në pushtet”, tha nënkryetari i LSI-së, Luan Rama.
