Nënkryetari i Lëvizjes Socialiste për Integrim, Luan Rama ka reaguar pas deklaratave të forta të ambasadorit amerikan, Donald Lu.
Ky i fundit u shpreh sot se pritet që qeveria e Shqipërisë arrestojë disa “peshq të mëdhenj” në fillim të vitit të ardhshëm.
Deputeti i LSI-së, në një postim në Facebook, shkruan se Lu përmendi vetëm 4 nga emrat e ushtarëve të krimit, por jo të shefit të tyre.
“Kush nuk e di që pas atyre emrave që përmendi ambasadori i nderuar nuk është kumbar kryeministri ynë?!…”, e përmbyll postimin Luan Rama.
Reagimi i Luan Ramës:
Ambasadori i Shteteve të Bashkuara të Amerikës në Tiranë Donald Lu, duke folur sot në prezantimin e projektit “Forca e ligjit” në Ministrinë e Brendëshme, përmendi edhe katër emra si shembullin e lidhjes së politikës me krimin!
Mirëpo ai përmendi vetëm katër nga emrat e ushtarëve të krimit, jo të shefit të tyre, të atij që i mori emrat e krimit dhe i bëri emra politikë! Kush nuk e di që pas atyre emrave që përmendi ambasadori i nderuar nuk është kumbar kryeministri ynë?!…
