Kryemadhi, pak më herët i mëshoi fort faktit se do të qëndronte në shesh, duke protestuar si një qytetare e lirë. Pas këtij qëndrimi publik, ajo ka hedhur hapin e radhës.
Kryetarja e LSI, Monika Kryemadhi, ka lënë protestën para Ministrisë së Brendshme dhe është zhvendosur në selinë e partisë. Ajo ka thirrur kryesinë ekzekutive të partisë, për një mbledhje urgjente.
Raportohet se Kryemadhi do të diskutojë për planin e protestës së nesërme, e cila organizohet nga Aleanca për Mbrojtjen e Teatrit, në orën 16:30, në sheshin para Ministrisë së Brendshme.
Ende nuk ka informacione se çfarë do të organizojë LSI nesër, por mendohet të jetë një thirrje masive për të gjithë mbështetësit e saj nga e gjithë Shqipëria.
