Policia Metropolitane e Londrës ka arrestuar pesë persona në lidhje me plagosjen me plumb në kokë të aktivistes britanike të “Black Lives Matter” Sasha Johnson, sipas një deklarate të policisë.
Situata: një 17-vjeçar u arrestua me akuzën e armëmbajtjes, si dhe posedim droge të klasit A me qëllim tregtimi. Tre persona u arrestuan me akuzat e “përleshjes” – përleshje në hapësirë publike – dhe për posedim të bimëve të klasit B me qëllim furnizimi.
Një i pestë u arrestua pas një ndjekjeje me makinë me akuzën e kundërshtimit të policisë.
“Teksa hetimi mbetet në fazat e tij të hershme, këto arrestime tregojnë se po bëhet përparim,” tha Kryeinspektori Richard Leonard.
“Sidoqoftë, unë do të vazhdoja t’u bëja thirrje atyre që mund të kenë informacione rreth ngjarjeve që çuan në goditjen me plumb në kokë të Sashës që mori goditjen e tmerrshme, ose informacione rreth atyre që ishin përgjegjës, të bëjnë gjënë e duhur dhe të paraqiten për të folur me policinë,” shtoi ai.
Shërim i shpejtë: Johnson, nënë e tre fëmijëve, u qëllua në kokë të dielën dhe është në gjendje kritike. Policia tha se nuk ka prova që të shtënat kishin lidhje me aktivizimin e saj me ”Black Lives Matter”, raporton BBC.
Një mikeshë e Johnson i tha BBC-së se ajo beson se ngjarja ishte rezultat i një mosmarrëveshjeje midis “bandave rivale”.
