Ministri i Brendshëm, Sandër Lleshaj pas takimit që zhvilloi me homologun e tij Christophe Castaner në Francë, thotë se në qendër të bisedës ka qenë bllokimi i emigracionit të paligjshëm, azilkërkuesit dhe lufta kundër krimit, ndërsa shprehet se ka marrë mbështetjen e Francës për integrimin.
Me një postim në ‘Twitter’, Lleshaj sqaron se bashkë me homologun e tij, bënë bilancin e marrëdhënieve dhe piketuan hapa të tjerë të rëndësishëm për të ardhmen.
“Përfundova një vizitë shumë të rëndësishme në Francë. Me Ministrin e Brendshëm Christophe Castaner bëmë bilancin e marrëdhënieve të shkëlqyera dhe piketuam hapa të tjerë të rëndësishëm për të ardhmen.
Mbështetja e Francës për integrimin europian të Shqipërisë, bllokimi i emigracionit të paligjshëm drejt Francës dhe lufta kundër krimit të organizuar janë fushat e bashkëpunimit të ardhshëm. Pres me kënaqësi vizitën e Castaner në Tiranë së shpejti” shkruan Lleshaj.
Franca ishte njëra nga vendet skeptike vitin e kaluar për hapjen e negociatave, ndërsa Shqipëria pret një vendim pozitiv këtë qershor.
2/2 France’s support for Albania’s European integration, the impediment of illegal immigration to France and the fight against organized crime are areas of future cooperation.
I look forward with pleasure minister Castaner’s visit to Tirana soon. ???? ?? pic.twitter.com/a64dHYrU51— Sandër Lleshaj (@SanderLleshaj) March 27, 2019
