Ministri i Brendshëm Sandër Lleshaj u shpreh se Reforma në Drejtësi mund të sjellë rezultate pozitive vetëm kur Policia e Shtetit t’i përgjigjen cilësisht luftës kundër krimit.
Leshaj shprehu qëndrimin e tij në një takim zhvilluar me 36 të rinj mbaruan kursin e parë për oficerë policie kriminale. Ministri shprehu shprehu vlerësimet e tij për motivimin dhe vullnetin për t’i shërbyer atdheut.
“Një javë para se rreth 30 të rinj e të reja, të nisnin Kursin e dytë për Oficerë të Policisë Kriminale, u diplomua grupi me 36 vetë që mbaroi Kursin e parë me rezultate të larta. Ata i bashkohen trupës, në ripërtëritje të Policisë së Shtetit. Kjo bëhet për të rritur kapacitetet hetimore dhe forcën goditëse kundër paligjshmërisë në tërësi. Dhe krimit të organizuar në veçanti.
Interesi i lartë i të rinjve në çdo thirrje publike që Ministria e Brendshme dhe Policia e Shtetit kanë bërë, dëshmon se trupa policore mbetet një ndër institucionet më të besuara në vend. E kur çdo punonjës zotëron cilësi të larta profesionale e integritet personal, edhe organizata që përfaqësojnë bëhet më dinamike dhe e motivuar.
Reforma në Drejtësi, që sot është në fazën finale, mund të japë rezultatet që presin të gjithë, vetëm kur Policia e Shtetit dhe agjencitë ligjzbatuese, t’i përgjigjen cilësisht luftës kundër krimit ekonomik dhe financiar, pastrimit të parave dhe krimit kompjuterik” tha ai.
