Ministri i Brendshëm Sandër Lleshaj, ka paralajmëruar se kushdo që i është futur rrugës kriminale, do të përballet me drejtësinë. Me anë të një mesazhi të shkurtër, por të qartë, Lleshaj i mëshon fort faktit se ky biznes kriminal ka një përfundim-në duart e publikut.
Ndër të tjera Lleshaj e vë fokusin tek OJF-të e interesuara në projekte. Ato që merren me dhënien e ndihmës ndaj viktimave të krimit të organizuar e trafikimit, që mbrojnë të drejtat e familjarëve të punonjësve të policisë të rënë në detyrë, apo asistojnë në rehabilitimin e viktimave të trafikut të qenieve njerëzore.
Njoftimi
Produkti i veprimtarisë kriminale, sado të vonojë, do të përfundojë te qytetarët. Kushdo duhet të bindet, ata që i janë futur rrugës kriminale, ata që joshen drejt saj, apo të tjerë, se ky biznes kriminal ka një përfundim – në duart e publikut.
Shpallet thirrja për shprehje interesi për OJF-të e interesuara në projekte, që merren me dhënien e ndihmës ndaj viktimave të krimit të organizuar e trafikimit, që mbrojnë të drejtat e familjarëve të punonjësve të Policisë të rënë në detyrë, apo asistojnë në rehabilitimin e viktimave të trafikut të qenieve njerëzore.
Ky ambient dikur disko plot zhurmë, sot e konfiskuar dhe e shndërruar në një kafe-librari e qendër trajnuese për të rinjtë në Durrës.
