Ministri Lleshaj sqaron sërish në lidhje me lajmin e vdekjes së truprojes së Ramës. Në komentin e tij në Twitter, Ministri i Brendshëm, Sandër Lleshaj këshillon qytetarët që të tregojnë një kujdes të shtuar lidhur me informacionet që qarkullojnë prej rrjeteve sociale të ish-kryeministrit Berisha. Ai madje e cilëson këtë si blof të turpshëm.
“Mediat dhe qytetarët janë të ftuar për kujdes të shtuar ndaj dezinformimit të qëllimshëm si ky bllofi i turpshëm, që u pa qartësisht sot dhe që pason të njëjtën tentativë kriminale për të mashtruar shqiptarët pas protestës së datës 2 qershor, kur u tentua t’i faturohej Policisë një vepër kriminale e kryer nga vetë protestuesit”.
