Ministri i Brendshëm Sandër Lleshaj ka deklaruar se deri në muajin qershor do të ofrohen të gjitha shërbimet online për qytetarët, në të gjithë vendin.
“Duhen krijuar kushte të përbashkëta me Tiranën në çdo bashki. Qyteti ka sinjalistikën, shenjat përkatëse të vendeve të parkimit. Ju inkurajoj sa më parë të nisë kjo, është me shumë rëndësi. Një çështje tjetër, ka të bëjë me shërbimet online për qytetarët.
Nuk do iu kërkohet qytetarëve asnjë dokument, si certifikatë, dëftesë, vërtetim taksash, etj, një mori e tërë dokumentesh.
Kjo punë ka marrë fund, shteti nuk u kërkon më qytetarëve dokumente që i ka prodhuar vetë, dhe që i ka në zyra. Aplikimi online, që qytetarët sportelin ta kenë në shtëpi, kur bëjnë kërkesën. Kjo ka filluar masivisht në nivelin vendor, në qershor do të jetë për të gjitha shërbimet”, tha Lleshaj.
