Opozita shpesh e ka akuzuar ministrin Lleshaj për panik e dhunë, e ndërsa sot ai ka nënvizuar se s’ka prapavijë politike lidhur me mesazhet që ai përcjell për mbarëvajtjen e protestave. Po kështu, ai ka dhënë sqarimet në lidhje me mos kapjen e drejtuesve të policisë, të cilët janë shpallur në kërkim për akuza të ndryshme.
Opozita ju akuzon se të gjitha deklaratat tuaja para protestës janë politike?
Lleshaj: Nuk ka asnjë deklaratë politike, të gjitha deklaratat e dhëna para protestës, gjatë ose pas saj janë deklarata që i shërbejnë sigurisë dhe mbarëvajtjes së protestës.
Deklarata e policisë thotë se elementë të tretë do të marrin pjesë në protestë. Kush janë këta elementë të tretë?
Lleshaj: Elementë të drejtë, janë elementë të tretë.
Shumë drejtues policie janë në kërkim prej kohësh, pse nuk arrestohen?
Lleshaj: Nuk ka shumë drejtues në kërkim prej kohësh, ka disa oficerë policie që janë në kërkim.
Do të kemi masa drastike, siç ishte mbyllja e valëve telefonike?
Lleshaj: Nuk di të ketë masa drastike të tilla, dhe nuk është masë drastike mbyllja e valëve telefonike kur bëhet në shërbim të mbarëvajtjes së sigurisë.
