Ministri i Brendshëm, Sandër Lleshaj ka dalë nga korniza e funksionit të tij, dhe u bën thirrje qytetarëve që të mbajnë maskën, pasi e konsideorn një sakrificë që duhet ta bëjmë të gjithë.
Sipas tij, maska mbron jo vetëm veten por edhe të tjerët.
Ministri shrehet se maska shërben si mjet për të ulur riskun e infektimit me Covid-19.
Postimi i Lleshaj në Facebook
”Të mbash një maskë sot, në situatë pandemie, është një sakrificë që duhet ta bëjmë të gjithë. Jo vetëm për të mbrojtur veten, por edhe të afërmit dhe çdo person tjetër. Virusi është një kërcënim serioz, ndërsa maska një mjet për ta ulur rriskun e infektimit prej tij.
Secili mund të ketë një histori për të rrëfyer, familjar, ose të njohur, që mund të ketë vuajtur pasojat e këtij infeksioni. Le të kontribuojmë sado pak që histori të tilla të mos shtohen. Maska, ruajtja e distancës, respektimi i normave të higjienës, ul në mënyrë drastike përhapjen e infeksionit. Mbroni veten tuaj, mbroni të afërmit, mbroni shoqërinë.”
Nga sot, 15 tetor, mbajtja e maskës është bërë e detyrueshme në çdo ambient jashtë shtëpisë.
