Ministri i Brendshëm, Sandër Lleshaj, ka reaguar në Twitter në lidhje me situatën e nderë në Shkodër. Ai e ka cilësuar si një përpjekje të turpshme të përfaqësuesve të PD, për të djegur një shkollë në këtë qytet. Po kështu, ministri ka ftuar të gjithë qytetarët që të distancohen nga dhuna.
“Përpjekje e turpshme e përfaqësuesve të PD për të djegur një shkollë në Shkodër. Ftoj qytetarët e Shkodrës, që të distancohen nga ky turp i pamasë dhe të izolojnë bijtë e dhunës.
Asnjë drejtues bashkie nuk mund të mbajë me dhunë dhe me zjarr mandatin që tashmë po mbaron. Nuk ka asnjë mundësi që dhunuesit t’i shpëtojnë ligjit. Pushteti mund të mbahet vetëm me votën e qytetarëve”.
