Gjuha e përdorur në Parlament nga deputetët ka kaluar çdo limit, duke përdorur ofendime dhe sharje të cilat as në rrugë nuk i dëgjojmë. Por së fundmi në këto debate janë përfshirë edhe deputete femra, të cilat kanë cilësuar njëra-tjetrën si ‘laxore apo baxhella’.
Artan Fuga me anë të një statusi në Facebook ka ironizuar sjelljen e deputeteve femra, duke kujtuar se ato anë duke i dëgjuar edhe fëmijët e tyre, imagjinoni në çfarë ambienti jetojnë.
“Dhe imagjinoni që këto fjalë të ndyra i thonë para kamerave të televizorit, mendoni pak se çfarë fjalori kanë në tru kur janë midis tyre, çfarë bisedojnë midis tyre nëpër kafene, çfarë thonë në momente intime, në biseda me njerëz të besuar.”
Statusi i plotë:
Llaxore dhe baxhella
Ik m’i baxhelle !
Shko mos qelbësirë!
Kujt i thua baxhellë, ti je llazore!
Jo po si ty, o qelbësirë!
Hajdute e poshtër, ja se cfarë je!
Ik se të njoh mirë kush je, edhe njëherë po të them je qelbësirë!
Kurvë ! Mos guxo të më thuash mua qelbësirë!
Pise! E korruptuar!
Këto dhe ata që janë me këta shprehin vullnetin e popullit!
Cfarë degjenerimi moral, mendor dhe njerëzor!!!
Këto janë gratë të zgjedhurat tona!
Imagjinoni burrat!
Këto na tregojnë si duhet të funksionojë universiteti!
Këto bëjnë ligjet për shkollat!
Këto janë gra të elitave tona politike!
Këtyre u vjen për të qeshur dhe për të qarë nga protesta universitare!
Këto na emërojnë ambasadorët, na përfaqësojnë me jashtë, zgjedhin gjykatësa, prokurorë, presidenta!
Këto shkojnë nëpër botë për të dhënë imazhin e Shqipërisë!
Kur fjalori i tyre është :
Baxhellë e përdalur, pise, llazore, qelbësirë.
Më hangsh këtë e më hangësh këtë!
Më kujtohet para disa dekadash Liza e Qymyrit dhe e adhuroj në heshtje duke e parë me sytë e mendjes sesi tërhiqte karrocën me qymyr!
Monument Lizës të Qymyrit që jetonte në vuajtje me djersën e ballit të vet!
Dhe imagjinoni që këto fjalë të ndyra i thonë para kamerave të televizorit, mendoni pak se çfarë fjalori kanë në tru kur janë midis tyre, çfarë bisedojnë midis tyre nëpër kafene, cfarë thonë në momente intime, në biseda me njerëz të besuar.
Këto e këta me pallto të shtrenjta sa një apartament dy dhoma e një guzhinë, që vijnë me vetura që i përdorin ndofta nuset e mbretëreshës të Anglisë, që hedhin parfume si të Bebe Rexhës,
Cfarë karagjozlliku, çfarë komedie, çfarë fyerje për shqiptarët!
Imagjinoni që e dinë që i shohin fëmijët e tyre, djemtë dhe vajzat e tyre, mendoni se në çfarë mjedisi edukativ jetojnë përderisa nuk pyesin as për këtë fakt!
