Deputeti Korab Lita i ka bërë një tjetër kërkesë kryeparlamentarit Gramoz Ruçi, në lidhje me postin e kreut të Grupit Parlamentar Demokrat. Lita i ka kërkuar Ruçit dorëheqjen e Rudina Hajdarit dhe të pranojë kërkesën e tij për t’u bërë kryetar grupi.
“Është hera e dytë që dal për procedurë këtu, për grupin parlamentar demokrat. Shikoj që në listën e diskutimeve shikoj që është edhe një deputete që nuk është pjesëtare e grupit”, tha Lita.
Ndërkohë, Ruçi iu përgjigj se kjo çështje nuk është nën përgjegjësinë e tij. Sipas tij, debatet brenda grupit demokrat nuk janë kompetencë as e tij dhe as e seancës, por e vetë deputetëve që bëjnë pjesë në të.
“Ju lutem edhe një herë, iu kam sqaruar seancën e kaluar. Nuk është kompetencë as e kreut të Kuvendit, dhe as e seancës të merret me lëvizjet e deputetëve në grup. Duhet t’i zgjidhni ju brenda për brenda. Nëse është një emër i renditur, është e drejtë e deputetit të kërkojë fjalën.” tha Ruçi ndërsa vijoi më tej me seancën plenare”, tha Ruçi.
