Nënkryetari i Lëvizjes Socialiste për Integrim, Luan Rama shkruan se kryeministri dhe ministri Demiraj kanë për detyrë të dërgojnë në Prokurori emrat e 124 personave të implikuar në kultivimin e trafikimit të drogës.
Me anë të një postimi në Facebook, Rama shton se Prokuroria duhet të nisë menjëherë procedurat që ligji e detyron për hetimin e personave të implikuar, listë kjo që e ka Edi Rama dhe Dritan Demiraj.
POSTIMI I RAMËS:
Kryeministri e më pas edhe Ministri i Brendshëm, deklaruan se disponojnë një listë me 124 emra të implikuarish në veprimtarinë kriminale të kultivimit e trafikimit të drogës në Shqipëri!
Kaq nuk mjafton!
Si funksionarë të lartë të shtetit ata duhet ta dinë se e kanë për detyrë të veprojnë në zbatim të ligjit duke kryer si hap të parë dërgimin e listës së emrave dhe të të gjithë të dhënave që kanë në Prokurori!
Ndërkaq, Prokuroria, nëse nuk e ka bërë, duhet të nisë menjëherë procedurat që ligji e detyron, për hetimin dhe fillimin e çeshtjes penale për emrat e listës që disponon Kryeministri dhe Ministri i Brendshëm!
Shteti ka ligje dhe funksionon përmes zbatimit të ligjit!
