Koronavirusi vijon të përhapet në të gjithë botën, duke shënuar dita ditës mijëra raste të reja infektimi në rang global.
Pothuajse 120 mijë raste infektimi janë evidentuar në të gjithë botën, ndërsa numri total i viktimave ka shkuar në 4300.
Vendi me numrin më të madh të infektuarve mbetet Kina, me mbi 80 mijë raste të shënuara. Mirëpo ditët e fundit është vënë re një përmirësim i dukshëm në bilanc, teksa është ulur numri i rasteve të reja gjithashtu edhe numri i viktimave.
E dyta pas Kinës vjen Italia me mbi 10 mijë raste të identifikuara. Më pas vjen Irani me mbi 8 mijë raste, e ndjekur nga Koreja e Jugut me 7,755 raste.
Më poshtë lista e 10 shteteve me rastet më të shumta me koronavirus:
- Kina – 80,956
- Italia – 10,149
- Irani – 8,042
- Koreja e Jugut – 7,755
- Franca – 1,784
- Spanja – 1,695
- Gjermania – 1,565
- SHBA – 1,025
- Japonia – 581
- Zvicra – 491
