Ish-dejtoi i RTSH-së, Thoma Gëllçi është liruar nga burgu. Vendimi është marrë këtë të martë nga GjKKO. Gëllçi u dënua me 1 vit e 4 muaj burg për “shpërdorim të detyrës”. GJKKO pranoi kërkesën e avokatit Dorian Matlia për lirimin e tij, për shkak se i kanë mbaruar afatet e dënimit. Ndërkohë çështja ndaj tij do të zhvillohet në Apel ku Gëllçi kërkon pafajësi.
Gjykata e Posaçme dënoi me dy vite burg ish drejtorin e RTSH-së Thoma Gëllçi për akuzën e “shpërdorimit të detyrës” në tenderin për blerjen e pajisjeve për kanalin RTSH Agro. Por për shkak të gjykimit te shkurtuar ai do vuante vetëm 1 vit e 4 muaj heqje lirie.
Gëllçi gjithashtu u përjashtua nga funksionet publike për 5 vite. Të fajshëm për “shkelje të barazisë në tendera” u shpallën 3 të pandehurit e tjerë të hetuar në të njëjtën dosje.
Ata u morën nën hetim nga SPAK në tetor të 2021, pas një hetimi të kryer për tenderin me vlerë 86 milionë lekë në vitin 2018.
