Dy mjekët që morën përsipër të mjekojnë ilegalisht Eduart Lamajn janë liruar në detyrim paraqitjeje.
Gjykata e Apelit në Tiranë vendosi të lirojë Viktor Markun dhe Besim Lamajn, pak javë pasi ata u kapën duke mjekuar Eduart Lamajn. Ky i fundit është autori kryesor i vrasjes së biznesmenëve Paulin Gjergj Marku dhe Bujar Lika Hasani, mbrëmjen e 30 majit në Laç.
Sipas gazetares Klodiana Lala, avokatët e dy mjekëve do kërkojnë revokim të kësaj mase në Gjykatën e Lartë, për ta pushuar përfundimisht çështjen.
Eduart Lamaj u arrestua 3 javë pas vrasjes në Laç, teksa prej po kaq kohësh kishte qëndruar i fshehur me plagë në trup gjatë përplasjes së 30 majit. Por pikërisht më 22 qershor ai vendosi të shkojë në një klinikë private në Qyteti Studenti në Tiranë për t’u mjekuar ku dhe u arrestua bashkë me mjekët që e kishin marrë dorëzim.
