Komisioni i Rithemelimit të PD-së, iu drejtua sot selisë blu, duke i kërkuar Lulzim Bashës që të lirojë zyrën dhe të bëjë dorëzimet deri në datë 5 janar 2022. Në të kundërt e kërcënuan se do ta nxjerrin vetë. Letrën e lexuar nga Belind Këlliçi me rezultatet e referendumit, do i dërgohet me postë Lulzim Bashës. Grupi i Sali Berishës nuk e njeh Lulzim Bashën për kryetar të PD-së, që pas referendumit të 18 dhjetorit.
Pas ultimatumit të fundit, një reagim ka ardhur nga kryedemokrati Basha. Basha tha se PD i ka marrë vendimet e veta, duke u shprehur se “nuk na plas për ata që kanë qenë këtu vetëm për karriget”.
Sot Komisioni i Rithemelimit ka thënë që duhet të lironi karrigen e kryetarit
“Nuk e kanë mendjen shqiptarët te karriget, e kanë mendjen vetëm ata që kanë qenë në këtë betejë për karriget. Fatkeqësi e madhe dhe ndjesë shqiptarëve që filtrat tanë kanë dështuar, që mendjen e kanë te karriget. PD i ka marrë vendimet e veta, dhe do t’u qëndrojë deri në fund. Kuvendi i 18 dhjetorit është zgjedhje e të ardhmes, dhe çdo vendim do jetë në funksion të njerëzve dhe halleve të tyre. Nuk na plas për karriget e atyre që paskan qenë këtu vetëm për karriget”.
