Ndryshe nga sa na ishte kthyer në një normalitet orari, tashmë mund të dalim lirisht pa këtë rregull që na e imponoi koronavirusi.
Për herë të parë pas tre muajsh, kjo fundjavë do të jetë e hapur për të gjithë. Si rrallë herë nga këto muaj ‘lufte’ me COVID-19, baret, restorantet dhe qendrat tregtare do të qëndrojnë të hapura edhe të shtunë e të dielë. Ajo çfarë na penalizon aktualisht është dalja nga zonat e kuqe në ato të gjelbra. Kjo masë do të zbatohet deri të hënën, kur këto kufizime do të hiqen.
Aktualisht transporti publik mbetet ende i mbyllur, për të cilin po hartohet një protokoll i veçantë me Ministrinë e Transporteve. Ndërsa deri më datë 23 qershor, ndalohet të hapen kinema, teatër, klubet e natës, pishinat, grumbullimet masive, dasmat, konferencat, dëgjesa publike, tubimet e çdo lloji.
