I dërguari special i presidentit amerikan për dialogun Kosovë-Serbi, Richard Grenell, bën me dije se dy vendet kanë rënë dakord që Liqeni i Ujmanit, të quhet “Liqeni Trump”.
“S të quhet liqeni që gjendet në Kosovë dhe Serbi, ka qenë një pikë serioze pavarësisht kompromisit për studim të fizibilitetit për të krijuar vende pune dhe më shumë energji për rajonin… kështu që të dyja palët kanë rënë dakord për një emër të ri: Liqeni Trump”, shkruan ai në Twitter.
Grenell ka treguar se si e propozoi me shaka që Liqeni i Ujmanit të quhet Liqeni Trump. Gjatë një interviste për një radio amerikane, Grenell ka shpalosur detaje të negociatave që kulmuan me marrëveshjen e Uashingtonit, duke pretenduar se mospajtimet Kosovë-Serbi rreth Ujmanit kishin të bënin me emrin e Liqenit.
