Këngëtarja Linda Halimi dhe bashkëshorti i saj, Davon Edwards u bënë para pak ditësh prindër të një vajze, të cilës i vendosën emrin Kaimana. Lajmi befasoi fansat pasi deri në momenti që vogëlushja erdhi në jetë askush nuk e dinte për pritjen e ëmbël të këngëtares.
Veç komenteve të urimit nuk kanë munguar as sulmet për ngjyrën e bashkëshortit të Lindës. Këngëtarja ka preferuar t’i injorojë komentet raciste që nuk kanë munguar asnjëherë pas bërjes publike të lidhjes së saj, madje dhe tashmë që u bë nënë.
Në postimin e saj në Insta Story ajo shkruan: “Nuk e kisha idenë që do më mbështesnit kaq shumë. Numri i mesazheve që kam marr dhe kam lexuar është çmenduri. Më vjen keq që s’mund t’u kthej përgjigje të gjithëve, por të gjithë më dhatë kaq shumë jetë dhe energji. Energjia është e vërtetë, mbroni tuajën gjithë kohës! Zoti ju bekoftë me kaq shumë dashuri, dritë dhe paqe. Shpirti juaj qoftë gjithmonë i lumtur. Ju dua shumë.”
