Pas rrëzimit të dekretit të presidentit Meta për teatrin, Partia Demokratike do të ankohet në Gjykatën Kushtetuese. Vendimin e ka bërë të ditur deputeti Edmond Spaho. Ai ishte i ftuar në emisionin “Top Talk” në Top Channel.
Spaho tha se nuk kishte dyshime që ky ligj do të miratohej nga mazhoranca:
“Tani që ka ligj do e ankimojmë sepse më parë nuk kishim se çfarë të ankimonim. Teatri është çështje e gjithë Tiranës. Do të bashkëpunojmë me artistët dhe qytetarët që të bashkohemi për të bërë një front qytetar. Nëse çdokush vjen, ne do ta bllokojmë qeverinë”, deklaroi Spaho.
