Ministri i Brendshëm Fatmir Xhafaj në prezantim “Forca e Ligjit”, ku të pranishëm ishin dhe Donad Lu dhe Romanna Vlahutin, ai ka folur me tone të ashpra. Ministri ka deklaruar se: “krimi i organizuar shumë shpejt nuk do të ketë të ardhme në Shqipëri. Nuk jemi ne të vetmin në këtë botë të trazuar që e vuajmë këtë të keqe të madhe, përkundrazi, por me gjithë progresin e bërë në luftën kundër krimit të organizuar jemi larg standardit të një shoqërie ku sundon ligji dhe drejtësia dhe ku ajo është e barabartë për të gjithë”.
Sipas ministrit, Qeveria e ka kuptuar shumë mirë se çfarë rreziku përfaqëson krimi i organizuar për demokracinë, dhe prosperitetin e qytetarëve. “Mesazhi që dua të përcjell sot është i qartë, krimi i organizuar shumë shpejt nuk do të ketë të ardhme në Shqipëri, do të shkatërrojmë rrjetet kriminale, fuqinë ekonomike, infrastrukturën, si Ministër i Brendshëm e kam pranuar ta marrë këtë përgjegjësi dhe theksoj se ne nuk kemi sfidë me kërr-kënd veç me qëllimin e lartë që qytetarët të kenë më shumë rend dhe siguri publike. Do të bëjmë të pamundurën do të përdorim çdo mjet demokratik me për të fituar këtë luftë”.
Sipas Xhafajt, krimi në vend ka rritur kontakte me krimin e organizuar në Evropë e më gjerë, por nuk është organizuar në format tipike. “Shteti duhet të dijë të përfitojnë nga dobësitë e tij, të mos e lejojmë të depërtojë në ekonomi. Fuqizimi ekonomik, dhe bashkimi me krimin ndërkombëtar do të sjellë pasoja shumë të dëmshme të jetës së vendit. Fuqia ekonomike e grupeve është e madhe dhe sfiduese për drejtësinë dhe strukturat e policisë së shtetit, raportet e individëve të krimit me përfaqësues të jetës politike dhe zyrtarë të lartë janë të identifikuara gjithashtu”– tha ministri, duke shtuar se kemi depërtim të parave të pista në ekonomi. Xhafaj ka folur për ngritje të bizneseve fasadë, për biznese që financohen edhe nga para të rrjedhura nga veprimtaria kriminale, për depërtim në media, edhe rrjete sociale.
