Policia e Shtetit njofton se janë arrestuar dy persona në Lezhë, pasi po përpiqeshin të nxirrnin jashtë vendit 13 sirianë në mënyrë të paligjshme.
Mësohet se njëri prej të arrestuarve ishe shofer autobusi i identifikuar me iniciale B.E. 58 vjeç nga Tirana dhe tjetri ishte i punësuar si fatorino B.B. 34 vjeç nga Kukësi. Të dy në bashkëpunim kanë marrë në autobus 13 sirianë dhe marokenë për t’i nxjerrë nga Shqipëra në në mënyrë të paligjshme.
Ata janë arrestuar nga policia rrugorëe në vendin e quajtur “Mbikalimi i Laçit”.
Njoftimi i Policisë:
Parandalohet dhe goditet një tentativë për dhënie ndihme për kalim të paligjshëm të kufirit.
Procedohen penalisht 2 shtetas, të cilët po transportonin me autobus 13 shtetas sirian që kishin hyrë në Republikën e Shqipërisë në mënyrë të paligjshme.
Specialistët e Seksionit për Hetimin e Trafiqeve të Paligjshme në Drejtorinë Vendore të Policisë Lezhë referuan materialet hetimore në Prokurorinë e Rrethit Gjyqësor Lezhë për shtetasit B. E., 58 vjeç, banues në Tiranë, drejtuesi i autobusit ku udhëtonin shtetasit e huaj dhe B. B., 34 vjeç, banues në Kukës, fatorino i autobusit.
Këta shtetas, në aksin rrugor Mamurras-Lezhë, në vendin e quajtur “Mbikalimi i Laçit” janë kapur nga shërbimet e Policisë Rrugore, me automjetin autobus të linjës Tiranë-Kukës, duke transportuar 13 shtetas të huaj sirian dhe maroken që kishin hyrë në Republikën e Shqipërisë në mënyrë të paligjshme.
Materialet procedurale i kaluan Prokurorisë pranë Gjykatës së Shkallës së Parë Lezhë, për veprime të mëtejshme hetimore, për veprën penale “Ndihma për kalim të paligjshëm të kufirit”.
