Ministri i Mbrojtjes, Niko Peleshi, ka reaguar pas tërmetit të fortë mbrëmjen e së premtes, i cili ishte me epiqendër në Bosnje Hercegovinë, por që lëkundjet u ndien edhe në Shqipëri. Tërmeti i fortë që është ndier pothuajse në të gjithë vendin, nuk ka shkaktuar të lënduar apo dëme materiale. Të gjitha strukturat e mbrojtjes civile janë në monitorim të situatës në të gjithë vendin.
Postimi i Peleshit:
Të dhënat paraprake nga IGJEUM, konfirmojnë një tërmet të fortë me epiqendër 10 km në Jug- Perëndim të qytetit Monstar, Bosnje Hercegovinë, me Magnitudë 5.7, Thlësia 10 km, 202 km nga Tirana.
Ky tërmet është ndjerë pothuajse në të gjithë vendin por deri në këtë moment nuk raportohet për të lënduar apo dëme. Ndërkohë të gjitha strukturat e mbrojtjes civile janë në monitorim të situatës në të gjithë vendin.
