Para se të ndihej tërmeti i fuqishëm mbrëmjen e djeshme në Bosnje Hercegovinë, qytetarëve u ka ardhur në telefon një mesazh.
Përdoruesit e Android kanë marrë një paralajmërim, përmes sistemit të mbrojtjes.
Është hera e parë që përdoruesit e këtij sistemi operativ informohen për rreziqet e mundshme në këtë mënyrë. Njoftimi ka mbërritur disa sekonda para tërmetit.
Përveç informimit se ndodhen në një zonë potencialisht të rrezikshme, ata janë udhëzuar edhe se si të sillen gjatë tërmetit.
Ndër të tjera u është thënë që të dalin nga shtëpitë, të mbyllin gazin, të dalin përpara dhe të shmangin ndërtesat e dëmtuara.
