Lefter Zhidru, 71 vjeç, u ekzekutua ditën e sotme nga forcat RENEA, pasi hapi zjarr ndaj tyre në momentin që ata po ndërhynin.
Ishte bashkëshortja e tij, Floresha Zhidru, e cila kishte njoftuar policinë pas një sherri mes tyre. Mirëpo, kjo e fundit e kishte shpëtuar disa herë nga burgu bashkëshortin e saj.
Sipas Abcneës.al, Floresha e kishte denoncuar mbi 5 herë për dhunë 71-vjeçarin, por në momentin që oficerët i kërkonin që të firmoste kallëzimin kundër bashkëshortit, 47-vjeçarja tërhiqej.
I moshuari vijonte të ushtronte dhunë ndaj gruas së tij, teksa sot e kishte kërcënuar se do ta vriste me automatik. Fatmirësisht, 47-vjeçarja ka arritur të dalë me shpejtësi nga shtëpia, duke mbyllur derën dhe më pas ka njoftuar policinë.
