Lefter Maliqi kërkoi sërish dorëheqjen e Ramës, dhe e akuzoi për lidhje me krimin. Në një prononcim për mediat nga Kryesia e Kuvendit, ai denoncoi se në krye të një Bashkie, kemi një përdorues droge.
Maliqi pretendon se e ka informacion të sigurtë, dhe se rasti do të publikohet së shpejti në media.
Për të, Parlamenti është i mbushur me kriminelë. E për këtë fajin e ka Rama, pasi nuk heq dorë nga bashkëpunimet me persona me të shkuar kriminale.
“Më vjen keq që ky kryeministër i sëmurë, nuk heq dorë për tu takuar me kriminelë. E mbushi Parlamentin me kriminelë. Kemi kryebashkiakë kriminelë. Dy ikën. I treti është i Vaut të Dejës.
I katërti po jua them ju, një pjesë e medias e dinë. Do të dalë shpejt, nëse nuk del ka ndërhyrje. Është i tillë që thith mall. Kryetar Bashkie në Shqipërinë e mesme dhe të jugut, heroinë. E di se e kam burim të sigurt. Ky ka vetëm një meritë, mashtrimin”, u shpreh Maliqi.
