Vazhdojnë trazirat para godinës së Teatrit Kombëtar, ku forca të shumta policie janë vendosur barrikadë për të ndaluar protestuesit të avancojnë brenda godinës.
Ndërkohë aktori Nertian Liçaj, u bëri thirrje qytetarëve për mbështetje për të çarë rrethimin e policisë para teatrit. Ai ka bërë edhe një thirrje kryeministrit Edi Rama duke i kërkuar që cështja të shkojë në referendum për të vendosur.
“Ju lutemi qytetarëve për mbështetje për të çarë rrethimin e policisë. Kemi edhe një mesazh për kryeministrin. Nëse mendon se ne jemi pakicë le të përballemi në referendum. Jemi të vendosur që të mos lejojmë qeverinë për shembjen e teatrit. Nuk trembemi, plasi…le të plasë”, tha ai.
