Alvaro Morata dhe Marcos Alonso kanë mbetur jashtë listës përfundimtare të lojtarëve që do të udhëtojnë drejt Rusisë për të përfaqësuar Spanjën në Botëror. Julen Lopetegui ka publikuar ditën e sotme listën e 23 lojtarëve që do të udhëtojnë drejt Rusisë dhe bie në sy mungesa e disa lojtarëve që janë aktivizuar në eliminatore.
Lopetegui e ka arsyetur në këtë mënyrë lënien jashtë të këtyre futbollistëve:“Dua të kujtoj që Morata, Illaramendi, Vitolo etj, janë lojtarë që na kanë ndihmuar, por fatkeqësisht nuk do të jenë në Botëror. Pse jashtë Morata? Kemi vendosur të grumbullojmë 3 sulmues “pykë” dhe jo katër. Të gjitha vendimet janë marrë pasi janë analizuar me shumë kujdes të gjitha detajet. Kemi vendosur që ky është grupi më i mirë i mundshëm. Para pritshmërisë së një futbollisti janë pritshmëritë e një kombi,” – deklaroi në konferencës për shtyp trajneri Julen Lopetegui.
Lista e Spanjës:
Portierë: De Gea, Reina, Kepa
Mbrojtës: Carvajal, Odriozola, Pique, Sergio Ramos, Nacho, Azpilicueta, Jordi Alba, Nacho Monreal.
Mesfushorë: Busquets, Saul, Koke, Thiago, Iniesta, David Silva.
Sulmues: Isco, Asensio, Lucas Vázquez, Iago Aspas, Rodrigo, Diego Costa.
