Lidhja Demokratike e Kosovës, ka përshëndetur votimin e Qeverisë së re në Kuvend, në krye me Avdullah Hotin kryeministër.
Në llogarinë zyrtare në Facebook, LDK ka uruar “Na priftë e mbara”.
Statusi
“Kuvendi i Kosovës sapo votoi për kryeministër të Kosovës, Dr. Avdullah Hotin dhe kabinetin qeveritar. Na priftë e mbara!”.
Avdullah Hoti, duke folur për herë të parë si kryeministër i Kosovës, ka thënë se është shumë i kënaqur. Ai është shprehur për mediat se dy prioritetet e qeverisë janë pandemia dhe rimëkëmbja ekonomike, duke premtuar se qeveria e tij do i dalë zot këtij vendi.
“Sot në seancën e Kuvendit, jam shumë i kënaqur që përfundimisht kemi bërë bashkë një program qeverisës që i adreson nevojat e shtetit, që është lufta kundër pandemisë dhe rimëkëmbja ekonomike dhe me nismat menjëherë që do t’i nisim menjëherë edhe me pakot për rimëkëmbje. Unë jam i bindur me koalicionin që kemi ndërtu, do t’i dalim zot këtij vendi”, tha Hoti.
