Mund të themi që ky është viti i Thomas Strakosha, pasi performancat e tij në Serie A janë janë të mrekullueshme dhe kanë ngalur interes të gjerë. Vlerësimet kanë qenë të shumta nga mediat sportive italiane, por edhe nga legjenda të futbollit. Aftësitë e tij janë të magjishme, sa ka ngjallur interes edhe në ekipet e mëdha të Premier Leagues.
Por këtë herë është ekipi i Lazios që i ka bërë elozhe, portierit të kombëtares shqiptare, duke e cilësuar si hero dhe pikën më të fortë të ekipit. Më poshtë, shkrimi i dedikuar për shqiptarin: “Kanë kaluar shumë kohë nga momenti kur portieri i ri shqiptar bëri debutimin e tij në ‘La Scala’-n e futbollit italian kundër Milanit në shtator të vitit 2016.
Momenti negativ që po kalonte portieri Marketi, e detyruan trajnerin Inzaghi që të besonte tek ai dhe ta hidhte në fushë. Përgjigjja e tij në fushë ishte pozitive dhe inkurajuese, pavarësisht humbjes Thomasi dha impresionon dhe transmetoi siguri në repart.
Tregoi se kishte karakterin e duhur për të bërë hapin e madh drejt Serisë A. Nga ai moment dhe deri tani, portieri shqiptar ka koleksionuar 51 ndeshje në total me skuadrën e parë duke bërë pritje madhështore, u rritur në mënyrë shpërthyese dhe duke siguruar përfundimisht, pa asnjë diskutim, fanellën e titullarit.
Në shtator të vitit 2017 pati mundësinë të debutonte edhe në Europë, në Holandë kundër Viteshes. Golat që ka pësuar në total janë 63, ndërsa portën e ka mbajtur të paprekur në 15 raste.
Me një sens pozicionimi, me gjakftohtësinë e tij ka arritur të shkëlqejë. Këto të dhëna të lindura, por të edukuara dhe të kuruara me kujdes nga përgatitësi i portierëve Adalberto Grixhoni.
Nuk ka frikë nga asgjë dhe di gjithmonë ku të vendoset mes dy shtyllave, gjë që i bën akoma më të vlefshme cilësitë e tij teknike. Hera e fundit kur shpalosi vlerat e tij ishte kundër Spalit, kur doli shumë shpejt dhe me dorën e vendosur në tokë bllokoi topin në vijën fatale, duke shpëtuar një gol të sigurt.
Por, pritjet e tij janë të shumta me fanellën e Lacios. E jashtëzakonshme, e mrekullueshme dhe entuziazmuese ishte pritja e penalltisë së Dibalës në Torino duke i dhënë skuadrës së Lacios një fitore të paharrueshme në “Stadium”, në minutat shtesë.
Kundër Juventusit gjithashtu festoi trofeun e parë, Superkupën e Italisë në një ndeshje që u zhvillua në “Olimpico” më 13 gusht. Në sezonin e kaluar bën mrekulli kundër Linetit të Sampdorias, duke treguar se di ta bllokojë portën më shpejt sesa sulmuesi të mendohet ku do ta dërgojë topin.
Por, ishte i mrekullueshëm edhe në derbin e kthimit në kampionat kur Lacio fitoi 3-1 dhe kur rezultati ishte 1- 1, Strakosha shpëton portën nga kërcënimi i Xhekos.
Kundër Interit në këtë sezon, blindon portën nga një goditje e Perisiçit, ndërsa në Bergamo shpëton me këmbë një gol të sigurt të Papu Gomezit.
Një repertor me pritje, me një fund të tillë: Strakosha është efikas, i vazhdueshëm, i pastër dhe i akullt. Numri një shqiptar është vetëm 22 vjeç, por ka shumë dëshirë për të mësuar dhe është i ndërgjegjshëm që tani nuk po luan për t’i treguar askujt seriozitetin e tij”.
