“Bilbili” i polifonisë labe, Golik Ali Jaupi, ishte ai i cili hapi fushatën e PS-së për zgjedhjet vendore në Tepelenë.
Goliku i cili është i njohur edhe për vargjet që shpesh i ka kushtuar politikanëve kujtoi përpara kryeministrit Rama dhe gjithë të pranishmëve kohën kur këndonte për diktatorin Enver Hoxha.
Këngëtari tha se në ’83-in ishte ngritur nga spitali për të kënduar për Enver Hoxhën ndërsa sot do t’i këndonte një tjetër komandanti, duke iu drejtuar kështu kryeministrit.
Ai u shpreh se kësaj here kishte lënë spitalin për Edi Ramën, ashtu siç kishte bërë kohë më parë me diktatorin Hoxha.
Deklarata e plotë:
“Përshëndetje populli simbol i Tepelenës
Përshëndetje kryeministri ynë i shquar, i gjithë Shqipërisë dhe miku ynë Edi Rama
Përshëndetje deputetja jonë e nderuar…
Përshëndetje kollosi jonë, gjigandi Tërmet Peçi
Përshëndetje të gjithë të ftuarve…
Do ju tregoj një sekretin tim, popullit tim dhe këtyre udhëheqësave. Në ’83 operuar në Spitalin Ushtarak në Tiranë. Ngrihem i operuar dhe shkoj në Gjirokastër në festival me gjysmë trupi. Këndova atje para komandantit të asaj kohe. Sot ngrihem nga Gjirokasta i operuar dhe vij këtu për këtë komandantin këtu. Tani po ju them: Mirëseerdhe Edi Rama”,- u shpreh ai, ndërsa vazhdoi me vargjet.
Vargjet e Golikut:
Mirë se erdhe Edi Rama
Ku nuk të ka shkuar fama
Në Amerikë te Obama
Ti je burrë që s’do reklama
Sot kjo kala me bedena, të thotë mirëseerdhe Tepelena.
Po të pyeç popullsinë
Thonë të gjithë duam Edvinë
Ja e bën ti Shqipërinë
Ja të tërë ramë në greminë
Je i madh je burrë shteti të njeh globi, gjithë mileti
Më krahë Gramozi, Tërmeti, ndriçohet si meteor deti
Ti e ke mendjen të artë, lum ne që të kemi fat
Shkëmbënjtë e Bënçës së lartë do ti bësh autostradë
Më datën 30 qershor, do ti marrc frenat në dorë
Kryeministri madhor, rrofsh sa mali Tomor
Sot kala me bedena të thotë rroftë gjithë Tepelena
Pjesa nga kënga:
“Mirë se vini, mirë se vini miq e të ftuar
Na ka ardhur Edi Rama në sofrën e shtruar
Në 30 qershor do bënet votomi
Kjo është e vërteta ky është dhe provimi”
