Vaksina kineze kundër koronavirusit, Sinovac ka rezultuar 50.4% efektive në provat klinike, sipas rezultateve të nxjerra nga studiuesit brazilianë.
Kjo tregon se vaksina është dukshëm më pak efektive sesa sugjeronin të dhënat e mëparshme, rreth 78%. Vaksina Sinovac, është një prej dozave që shteti brazilian ka porositur për popullatën e saj, shkruan BBC.
Kjo vaksinë, funksionon duke përdorur grimca virale të vrara për të ekspozuar sistemin imunitar të trupit ndaj virusit pa rrezikuar një përgjigje serioze të sëmundjes.
Disa vende, përfshirë Indonezinë, Turqinë dhe Singaporin, kanë porositur doza të kësaj vaksinën, e cila ka dhënë rezultate të ndryshe në vende të ndryshme.
Në Turqi, ‘Sinovac’ ka rezultuar 91.25% efektive kurse në Indonezi 65.3%. Gjithsesi, duket se vaksina e Sinovac, është ende larg atyre perëndimore të Pfizer, Ofxord dhe Moderna.
