Duke filluar nga data 30 maj 2019, linja ajrore gjermane do të kryej dy herë në javë fluturime nga Duseldorfi për në Tiranë.
Një lajm i tillë është bërë publik sot nga mediat gjermane të cilat shkruajnë se Gjermania do të ofrojë fluturime të drejtpërdrejta për në Shqipëri.
Sipas planifikimit aktual, Gjermania do të fluturojë në tetëmbëdhjetë destinacione të reja nga Duseldorfi. Të gjitha udhëtime do nisin verën e vitit 2019.
Në verën e vitit 2019, Gjermania njofton se do të ketë fluturime drejt Tiranës edhe nga Zyrihu, raporton biztravel.fvw.de.
Rruga e re drejt Tiranës synon veçanërisht t’u ofrojë mundësi shqiptarëve që të shkojnë më shpesh tek të afërmit e tyre në Shqipëri. Ndërsa theksohet se 18 denstinacionet e tjera përveç Shqipërisë, janë kryesisht destinacione pushimi.
Kujtojmë se përgjatë viteve të fundit një numër i madh shqiptarësh janë dyndur drejt Gjermanisë. Ata jetojnë dhe punojnë atje. Ndërsa vetë Berlini ka bërë thirrje të herëpashershme për të punësuar mjekë dhe infermierë shqiptarë.
Por, edhe profesionistë të fushave të tjera janë pranuar dhe janë punësuar atje. Tashmë dashuria që kanë gjermanët për shqiptarët duket se i ka “detyruar” ata që t’u ofrojnë atyre udhëtime të drejtpërdrejta. /TIRANA TODAY/
