Kryeqyteti amerikan Washington ka përjetuar panik ditën e sotme, pasi një aeroplan që nuk po kontaktonte me kontrollin ajror ka fluturuar shumë afër Shtëpisë së Bardhë.
Menjëherë janë vënë në lëvizje forca të shumta të policisë dhe agjensi të ndryshme ligjzbatuese, të cilat kanë vendosur nën karantinë tërërisht zonën dhe duke ndaluar hyrjet dhe daljet në Shtëpinë e Bardhë. Pas ngjarjeve të fundit terroriste, amerikanët i tremben një përsëritje të skenarit të 11 shtatorit, një nga ditët më tragjike në historinë amerikane.
Lajmi është bërë i ditur nga gazetarë të shumtë të cilët kishin planifikuar vizita në Shtëpinë e Bardhë, por që janë anulluar.
Televizioni CNBC raportoi se në Washington ka ndodhur një shkelje e hapësirës ajrore dhe se autoritetet kanë aktivizuar aeroplanët luftarakë.
