Itali
Juventus- 10 milionë në sezon për numrin 10, Dibalën, Alegri më se i lumtur. Nëse ikën Ronaldo gjatë verës, dëshira e Alegrit do të ishte Ikardi. Ish mbrojtësi Barxalji në stafin e Alegrit.
Milan- Gjithçka për De Polin. Në janarin tjetër Kesi dhe Benaser shkojnë në Afrikë për Kupën e Afrikës; po mendohen alternativat për të pasur numra në mesfushë, Fofana i Monakos, Kamara i Marsejës apo edhe Mehdi Kamara i Sant Etienit.
Inter- Lautaro ‘nyja gordiane’ e merkatos së Interit. Nga ana tjetër Lukaku është i sigurtë që qëndron dhe me të golat janë të garantuar. Vidal me covid pasi mori vaksinën por deklaron “Kthehem shpejt”.
Spanjë
Reali- Kthehet Karlo Ançeloti dhe firmos deri në 2024-ën. Me Karlon rikthehet edhe pista CR7. Lukas Vaskez ‘blankos’ deri në 2024-ën. Vjen David Alaba:”Reali një ëndërr e bërë realitet”
Barcelona- Erik Garsia kthehet në shtëpi. Siti-Barcelona, blaugranat të lumtur që kthejnë në shtëpi një lojtar të akademisë. Klubi takohet me Komanin dhe flitet për qëndrimin e tij. Aguero nga 23 milion euro bruto kalon në vetëm 6 milion bruto vetëm që të luajë me Barcelonën.
Angli
Junajtid- ‘Djajtë e kuq’ me 4 lojtarë në kombëtaren angleze: Meguajër, Shau, Rashford, Henderson. Emrat e lidhur me merkaton e Junajtidit sot janë Tripier i Atletikos që mund të mbyllet për 18 milion paund dhe Hakan Calhanoglu i Milanit.
Liverpuli- Sot merkato e të kuqve nga Anfieldi flet për lojtarin e Lilës, Xhonatan Ikone, anësori i avancuar mund të përforconte sulmin me tre të Kloppit. Poashtu dhe emir i Saul Nigezit ka filluar të përmendet dhe mund të arrihet për 40 milion euro. Mediat spanjolle e çojnë Patson Dakën (Salcburg) tek Liverpuli shumë shpejt.
Mançester Siti- Sterling, Stons, Foden dhe Uoker, katër djemtë që shkojnë në Europian me Anglinë. Guardiola nominohet si trajneri i vitit.
Gjermani
Bajerni- Bajerni para-kontratë me Nojhausin për ta marrë në 2022-shin.
