Për ministrin e Shëndetësisë në Gjermani, krijimi i një vaksine mund të dojë vite kohë. Ministri Federal i Shëndetësisë në Gjermani, Jens Spahn, është shprehur se sfida më e madhe është zhvillimi i vaksinave.
“Që të tregohemi realist, mund të duhen vite për zhvillimin e një vaksine kundër koronavirusit, për shkak të pengesave që mund të ketë, siç kemi parë me vaksinat e tjera”.
Nesër pritet mbledhja e një konference ndërkombëtare të donatorëve, në të cilën do të mblidhen të paktën 7.5 miliardë euro, që do përdoren për zhvillimin e vaksinës ndaj COVID-19.
