Tashmë është konfirmuar zyrtarisht se dy pacientët e parë me koronavirus në Itali, janë shëruar plotësisht. Çifti kinez që ishin shtruar në spitalin Spallanzani të Romës pasi ishin prekur nga koronavirusi, janë shëruar. Ata ishin rastet e para të konstatuara me koronavirus në Itali, por nga dita e sotme rezultojnë negativë pas trajtimit në spital.
Lajmin e ka përcjellë këshilltari shëndetësor rajonal, Alessio D’Amato, i cili tha: “Gruaja kineze e cila ishte së bashku me burrin e saj, rasti i parë në Itali është negativ për COVID-19. Këtë mëngjes, gjatë një vizite në spital pashë se edhe burri i saj ishte në gjendje të shkëlqyeshme”.
“Dje, për herë të parë, testet për koronavirusin e ri ishin negative“, shpjegon buletini mjekësor të Spallanzani.
Ministri i Shëndetësisë, Venko Filipçe, në një konferencë të jashtëzakonshme ka bërë të ditur se në Maqedoninë e Veriut, është shënuar rasti i parë me koronavirus.
Sipas ministrit, bëhet fjalë për një grua të ardhur nga Italia ditët e fundit. Ai shtoi se nuk ka nevojë për panik, dhe se po merren të gjitha masat e duhura.
Më herët u konfirmua edhe rasti i parë me koronavirus në Greqi. Një 38-vjeçare nga Selaniku, ka rezultuar pozitive në testin e virusit.
