Pas arrestimit të dy personave në Shkodër për tentativë blerje votash, një tjetër rast është shënuar në Vlorë.
Policia bën me dijë se ka nisur procedimi për tre persona, përkatësisht shtetasit me iniciale A.A., N.H., dhe G.O., sepse kanë kryer veprime me shtetas të ndryshëm për blerjen e votave për subjekte elektorale.
Lidhur me shit-blerjen e votës, parlamenti miratoi pak kohë më parë edhe ndryshimet në kodin penal.
Sipas ndryshimeve të reja në ligj, shitblerja e votës dënohet në mënyrë taksative nga 1 deri në 7 vite burg, si dhe nuk do të ketë masa ndëshkimore si gjoba.
