Laçi ka marrë tashmë vendin e tretë në renditjen e përgjithshme, pasi fitoi me rezultatin 3-1 ndeshjen e radhës përballë Luftëtarit.
Kurbinasit ishin superiorë në këtë ndeshje dhe për shkak të presionit të vazhdueshëm ndaj kundërshtarit për të marrë fitoren e kërkuar i detyruan këta të fundit të shënojnë dy gola në portën e tyre me Kukën dhe Lalën. Ndërsa Luftëtari shënoi një gol në fund të takimit.
Vetëm tre javë na ndajnë tashmë nga fundi i kampionatit dhe Laçi duket se i ka hapur një garë të fortë durrsakëve të Teutës për një vend në Evropë për sezonin e ardhshëm.
Kalendari i ka rezervuar dy pretendentëve kryesore të Teutës dhe Laçit një përballje kokë më kokë në javën e fundit.
